..:حياكم بمنتدى شذى الورد نورتونا ياحلى اعضاء اتمنى انكم تسجلون وتنبسطون معنا:..
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الصــوره آلي بجوآلك

اذهب الى الأسفل 
كاتب الموضوعرسالة
تصــآآنيفٌ

avatar

المساهمات : 18
تاريخ التسجيل : 25/11/2010
الموقع : آلــريآض

مُساهمةموضوع: الصــوره آلي بجوآلك   الخميس نوفمبر 25, 2010 6:42 pm

الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا

ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا

من يوم حبك .. غزى القلـب وتملكنـي
قطعـت كـل العـلاقـات وطواريـهـا

اقـرى رسايلـك ودموعـي تسابقـنـي
وارد ! واقرى الرسايل .. واحتفظ فيهـا

انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا

لـو الوصايـا ليـا احتديـت ! تنفعنـي
ياكثـر نـاس ٍ علـى زودي بوصيـهـا

ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا

من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا

تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا

تدري متى ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا

بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟

مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي

هذا عـزا النفـس مـن كثـرة بلاويهـا

وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبني ؟
لــن الهـدايـا عـلـى مقدار مهديـهـا

صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا

ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا

فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا

مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا

اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا

نشدت عنك ؟ وسمعـت اللـي يفرحنـي

وارتاح صـدري مـن همـوم ٍ يحاتيهـا

تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا

مـن يـوم ماغبـت ! والوحـده تعذبنـي
اقرى ( رسايلك ) في حرقـه والاحيهـا

اشوف ( صورتك ) .. ودموعي تسابقني



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ღ شذى الورد ღ
Admin
avatar

المساهمات : 77
تاريخ التسجيل : 20/11/2010

مُساهمةموضوع: رد: الصــوره آلي بجوآلك   الخميس نوفمبر 25, 2010 7:10 pm

تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا



اعجبتني كثيرا تلك القصيده التي حملت بين طياتها اسمى معاني الوفا والمحبة
صح لسان الشاعر وسلمت بنان الناقل ..

تصانيف .. ابدعت في طرحك فشكرا لك
تقبل مروري .. دمت بخير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الصــوره آلي بجوآلك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شذى الورد :: الفئة الأولى :: شعر - قصائد - قصايد - همس القوافي-
انتقل الى: